Würth á Íslandi ehf

Würth samsteypan er 70 ára 2015.

Í Vesturhrauni 5 í Garðabæ leynist fyrirtæki sem er mjög stórt á heimsmælikvarða en ekki allir sem þekkja það hér á landi. Würth á Íslandi ehf. er hluti af Würth samsteypunni sem upprunalega er þýsk. Fyrirtækið var stofnað árið 1945 af Adolf Würth og það var svo tíu árum síðar sem sonur hans Reinhold Würth tekur við stjórnartaumunum og gerir enn þann dag í dag. Á heimsvísu eru 400 Würth fyrirtæki rekin í 86 löndum í öllum byggðum heimsálfum. Hjá Würth starfa um 66.000 manns en hér á Íslandi eru starfsmenn 40 talsins. Würth sérhæfir sig í gæðavörum fyrir iðnaðarmenn og eru um 8000 vörutegundir á skrá hér á Íslandi. Helstu framleiðsluvörur hjá Würth eru efnavara af ýmsum toga s.s. límkítti, fituhreinsir og HHS 2000 smurefni. Auk þess er fyrirtækið með breiða línu af rafmagnsvörum, vinnuvettlingum, persónuhlífum og festingum auk hand- og rafmagnsverkfæra.

Würth á Íslandi var stofnað árið 1988 og er Haraldur Leifsson framkvæmdarstjóri í dag. Würth gerir út 20 sölumenn um allt land sem heimsækja viðskiptavini sína ekki sjaldnar en einu sinni í mánuði, suma tvisvar í viku eða oftar eftir óskum hvers og eins. Alls eru um 330.000 heimsóknir Würth-sölumanna um heim allan á hverjum degi. Innanhús markmið Würth á Íslandi er Gæði-Hraði-Þjónusta og er yfirlýst markmið á heimsvísu að fagfólk velji Würth. Höfuðstöðvar Würth á Íslandi eru í Vesturhrauni 5 í Garðabæ en auk þess rekur fyrirtækið verslanir á Bíldshöfða 16 í Reykjavík og á Tryggvabraut 34 á Akureyri. Heimasíða Würth á Íslandi er www.wurth.is