Hverfisfundur borgarstjóra með íbúum í Árbæ
Dagur B. Eggertsson borgarstjóri heldur opinn fund með íbúum í Árbæ þriðjudaginn 24. mars kl. 20.00 í Árbæjarskóla. Til umræðu verður allt sem tengist hverfinu, framkvæmdir, þjónustukannanir og hverfisskipulag, sem er ný skipulagsáætlun fyrir öll hverfi Reykjavíkur. Hverfisskipulagið sýnir hvar styrkleikar hverfisins liggja og er því ætlað að auðvelda skipulag, áætlanagerð – og hvetja fólk til að hafa aukin áhrif á sitt hverfi. Íbúar eru hvattir til að mæta og taka þátt í að móta framtíð Reykjavíkur.