Café Loki

Café Loki er íslenskt kaffihús með heimabökuðu flatbrauði og rúgbrauði, kjötsúpu og plokkfiski. Við byggjum á heimilislegri Íslenskri matarhefð, hráefnið allt er fyrsta flokks. Við bökum mest allt sjálf og annað er sérbakað fyrir okkur. Íslenskt góðgæti I-IV inniheldur ýmsa smakkrétti t.d. rúgbrauð með plokkfiski eða Skútustaðasilungi, harðfisk og hákarl. Sumir segja að síldin okkar sé sú besta í bænum. Réttur dagsins í hádeginu virka daga er Soðning og brauðsúpa (með miklum rjóma) á mánudögum. Gratíneraður plokkfiskur á þriðjudögum. Fiskréttur á miðvikudögum. Fimmtudagar eru kjötdagar, kokkurinn fær þá að leika sér og svo á föstudögum eru heimagerðar fiskibollur. Við erum staðsett beint á móti Hallgrímskirkju með mjög gott útsýni yfir að kirkjunni, Reykjavík og Bláfjöllin. Hnitbjörg, listasafn Einars Jónssonar er á hægri hönd þegar maður virðir fyrir sér útsýnið. Loki Laufeyjarson sem Lokastígurinn er nefndur eftir á orðið sinn eigin bjór hér á Loka og 12m2 málverk unnið úr sögum úr Goðafræðinni prýðir aðalsal Loka. Verkið er málað af Sigga Val (www.facebook.com/siggivalur) og Raffaellu (www.facebook.com/raffaella.sigurdardottir)