Úrval Útsýn

SAGAN : Viðskiptaferðir Úrval Útsýnar eiga sér langa sögu í bókun viðskiptaferða fyrir íslenskt atvinnulíf. Allt frá 1936, þegar fyrirtækið var stofnað, höfum við óbeint fengið að taka þátt í því að gera hjálparstarf, viðskipti og milliríkjasamninga mögulega. Við höfum fengið að kynnast ótrúlegu fólki og fyrirtækjum, leiðtögum og nýliðum sem hefur ferðast heiminn endilangan með þann draum að deila hugmyndum sínum og metnaði út fyrir landsteinana. Í dag eru starfsmenn Viðskiptaferða ÚÚ sjö talsins og saman deila þær 90 ára starfsreynslu í ferðaþjónustu. Einstakur metnaður þeirra er aðdáunarverður og færni þeirra við störf er stolt okkar. Amadeus, sem er stærsta bókunarkerfi í heiminum, er ósæð deildarinnar og fara öll okkar samskipti við flugfélög heims í gegnum þann hugbúnað. Með góðum samningum við flugfélög, hér heima og úti í heimi, tryggjum við á annað hundrað fyrirtækja og einstaklingum hagstæð fargjöld, þægilegan ferðamáta og neyðarþjónustu allan sólarhringinn.