Viðburðir um allt land

Skrá viðburð

Plastlaus september í Kringlunni

Á Degi íslenskrar náttúru og í tilefni af Plastlausum september er þér boðið í Kringluna nk. laugardag, þann 16. september. Hægt verður að fræðast um plastlausar lausnir og þann mikla plastúrgang sem fellur til á hverjum degi, læra að búa til margnota poka, fræðast um óhefðbundnar leiðir til að losa sig við sorp, fræðast um strandhreinsun Íslands, fá gefins margnota poka og fleira. Landvernd, Reykjavíkurborg, Umhverfisstofnun, Plastlaus september auk Kringlunnar standa að viðburðinum. Gestum og gangandi er boðið upp á spjall um umhverfisátakið og hinar mörgu birtingarmyndir þess. Plastlaus september er grasrótarverkefni sem hrundið var af stað í fyrsta sinn í ár. Átakið er innblásið af ástralska átakinu Plastic Free July en hefur verið lagað að íslenskum aðstæðum. Verkefnið er stutt og styrkt af fjölda samstarfsaðila og stefna aðstandendur þess að því að halda september plastlausan á komandi árum. Verkefnið er kynnt á vefsíðu þess, www.plastlausseptember.is, á samfélagsmiðlum og með viðburðum af ýmsu tagi.

Stella í Orlofi - viðhafnarsýning

Viðhafnarsýning á gamanmyndinni STELLA Í ORLOFI verður laugardagskvöldið 16. september í Bíó Paradís kl 19:00! Hin ógleymanlega Stella í orlofi fjallar um Stellu og baráttu hennar við geðilla karla, tryllt börn, alkóhólista, flugmenn, Lionsklúbbinn Kidda, danskar drósir og laxeldi. Myndin er nú komin á stafrænt form, rúmlega þrjátíu árum eftir frumsýningu. Ekki missa af frábærri sýningu á hinni ástsælu gamanmynd með þeim Eddu Björgvinsdóttur, Gesti Jónassyni, Þórhalli Sigurðssyni (Laddi) í aðalhlutverkum, í leikstjórn Þórhildar Þórleifsdóttur eftir handriti Guðnýju Halldórsdóttur. Húllumhæið hefst kl 19:00 - tilboð á barnum og tónlist á fóninum en myndin hefst á slaginu kl 20:00. Athugið að það er UPPSELT á viðburðinn þann 16. september! En Stella í Orlofi fer í almennar sýningar frá og með 17. september í stafrænni útgáfu sjá hér: https://tix.is/is/event/4566/stella-i-orlofi/

Páll Óskar í Höllinni

15972444 10154832597883605 5449265950880827639 o

MIÐASALA Í STÆÐI ER Í FULLUM GANGI Á TIX.IS/PALLI FÁIR MIÐAR EFTIR Í STÆÐI ÖRFÁIR STAKIR MIÐAR EFTIR LAUSIR Í STÚKU Það er komið að stóru stundinni; sögulegir stórtónleikar Páls Óskars eru í Höllinni á laugardag. Íslenskt tónleikahald verður tekið á nýtt stig að öllu leyti. Við lofum því að þetta verði svo sannarlega engu líkt! Tónleikagestir munu til að mynda fá ljósaarmbönd sem ljósameistari tónleikanna fjarstýrir og verða þar með hluti af sjónarspilinu! ATH: Ætlast er til þess að gestir skili armböndunum í þar til gerðar tunnur, fötur og poka strax að loknum tónleikum. Hægt verður að kaupa boli á staðnum í barna-, unglinga- og fullorðinsstærðum. Miðaafgreiðsla- og sala hefst kl. 12 í Höllinni á tónleikadegi. Tix verður frá þeim tíma staðsett í skúr fyrir utan Höllina. Tónleikagestir sem hafa þegar sótt miðana sína geta gengið beint inn í Höllina. Dagskrá dagtónleika: 12:00 – Tix hefur sölu og afgreiðslu miða 14:00 – Húsið opnar 14:45 – Áttan hitar upp 15:00 – PÁLL ÓSKAR 16:15 – Áætluð lok* Dagskrá kvöldtónleika: 19:00 – Húsið opnar 20:00 – Áttan hitar upp 21:00 – PÁLL ÓSKAR 23:00 – Áætlaður endir* *Dagskráin getur riðlast og er birt með fyrirvara um breytingar. Laugardalshöllin mun springa af hreinni gleði, hlaðin glysi og glaumi eins og Páll Óskar einn getur leyft sér! Ekkert aldurstakmark er á tónleikana en við mælum með því að fjölskyldufólk með börn kaupi miða á dagtónleikana. Börn 15 ára og yngri þurfa að vera í fylgd með fullorðnum á kvöldtónleikum vegna laga sem varða útivistartíma. Nánar: sena.is/palli

Lucas Abela / AMFJ / Jóhann Eiríksson

Lucas Abela kemur fram í fyrsta sinn í Mengi laugardagskvöldið 16. september en auk hans koma fram Jóhann Eiríksson (Reptilicus, Gjöll) og AMFJ (Aðalsteinn Jörundsson). Tónleikarnir hefjast klukkan 21, húsið verður opnað klukkan 20:30 og miðaverð er 2000 krónur en hægt er að panta miða í gegnum booking@mengi.net. Lucas Abela (Justice Yeldham) er án efa einn af sérstæðustu og áhugaverðustu hljóðlistamönnum Ástralíu og hefur um árabtil vakið eftirtekt fyrir afar grípandi gjörninga og hljóðinnsetningar sínar þar sem við sögu koma samúræjasverð, fjarstýringar, kúluspil og glerplötur en hljóðin magnar hann iðulega upp með snertihljóðnemum úr ólíkum fyrirbærum. Háskinn er aldrei langt undan í verkum Lucas Abela sem hefur komið fram vítt og breiitt um heiminn, á tónlistarhátíðum á borð við Unsound, Supernormal, CTM og Donau svo fátt eitt sé nefnt. Ekki missa af einstökum tónleikum. http://dualplover.com/abela/ Jóhann Eiríksson er einn af helstu frumkvöðlum innan íslenskrar raftónlistarsenu og stofnaði ásamt Guðmundi Inga Markússon dúettinn Reptilicus árið 1988 og hefur starfað sleitulaust síðan en sveitin telst til brautryðjenda tilraunakenndrar raftónlistar á Íslandi. Meðal áhrifavalda sveitarinnar má nefna bresku iðnaðarraftónlistina (industrial), þýska krautrokkið og dadahreyfinguna. Jóhann er að auki meðlimur í dúettnum Gjöll ásamt Sigurði Harðarsyni (Sigga pönk) sem hefur verið starfandi frá árinu 2006 og sent frá sér fjölmargar plötur. Jóhann kemur fram einn síns liðs á á tónleikum í Mengi næsta laugardagskvöld. johanneiriksson.com Ratónlistarmaðurinn AMFJ hefur verið virkur innan íslenskrar raftónlistarsenu frá árinu 2008. Hann sendi frá sér kasettuna Itemhljóð & Veinan árið 2009 sem tónlistargagnrýnendur tímaritsins Grapevine töldu til merkustu útgáfa þess árs. Tveimur árum síðar kom út geisladiskurinn Bæn og síðan hafa fylgt í kjölfarið plötur, kasettur og safnplötur auk fjölbreytts tónleikahalds. AMFJ sækir innblástur víða og meðal annars til íslenskrar samtíðar, dauðarokks og þjóðsagna. https://soundcloud.com/amfj http://icelandmusic.is/all-artists/amfj/ ∞∞∞∞∞∞∞ A concert with Lucas Abela (AU), AMFJ (IS) & Jóhann Eiríksson (Reptilicus & Gjöll) (IS). Starts at 9pm, house opens at 8:30 pm and tickets (2000 isk) can be ordered through booking@mengi.net Lucas Abela: What's been described as "a trumpet player trapped in a two dimensional universe" is in fact the unique work of Lucas Abela, a maverick musician with an unhealthy obsession with sheets of broken glass. Initially classed as a turntablist, though his work has rarely resembled anything in the field, early feats saw him stab vinyl with Kruger style stylus gloves, bound on electro-acoustic trampolines, drag race the pope across the Sydney Harbour Bridge, perform deaf defying duet duels with amplified samurai swords, hospitalised by high powered turntables constructed from sewing machine motors, record chance John Peel sessions with the Flaming Lips, become Otomo Yoshihides' favourite entry into his Ground Zero remix competition; 'Consummation' (instead of sampling the CD he destroyed it using amplified skewers!). Today these turntable roots have became almost unrecognisable; the diamond tipped styli evolving into sheets of glass vibrated with his mouth, an infamous show that has astonished and bemused countless people and in over 40 countries at festivals such as Supersonic in the UK, Atonal in Germany, and Unsound in Poland. http://dualplover.com/abela/ AMFJ: After working in numerous metal and experimental projects, Aðalsteinn Jörundsson decided in the summer of 2008 to pair a selection of his poetry with his experimental noise sounds to create a new project, AMFJ. By the end of that year he had already made his mark on nearly every Reykjavík venue, raising hell and wreaking havoc along the way. Whether fast and furious, or calm and pensive, all AMFJ shows have intensity in common. Ranging from 25-40 minutes in length, they are filled with mesmerizing feedback loops, mixed with loud, beat oriented playbacks, and feature heavily sound-altered vocals presented with a powerful and often theatrical performance, leaving no one untouched. https://soundcloud.com/amfj http://icelandmusic.is/all-artists/amfj/ Jóhann Eiríksson: johanneiriksson.com

Skímó á Spot 16.sept

Skítamórall telur í dansiball á Spot í Kópavogi eftir allnokkuð hlé.