Viðburðir um allt land

Skrá viðburð

Garðúrgangur sóttur heim í hverfin

Hafnarfjarðarbær

18076750 1512489302117011 9135515863928984068 o

Hreinn Hafnarfjörður...með þátttöku allra! Vorsópun á götum og göngustígum er að eiga sér stað í Hafnarfirði þessa dagana og mun standa yfir til mánaðarmóta. Bænum er skipt upp í 14 hverfi og eru hverfin skiltuð upp degi fyrir sópun með tilkynningu um fyrirhugaða sópun. Líkt og í fyrra hvetur Hafnarfjarðarbær til samfélagsátaks í hreinsun þar sem allir íbúar, nemendur og starfsmenn fyrirtækja og stofnana á svæðinu eru hvattir til virkrar þátttöku. Með samhentu samfélagsátaki í hreinsun þar sem allir hugsa um sitt nærumhverfi þá verður Hafnarfjörður hreinn og fínn á stuttum tíma fyrir sumarið. ________________________________________ Vorhreinsun – garðúrgangur sóttur heim. Dagsetningar fyrir hverfi ________________________________________ Árvisst hreinsunarátak í Hafnarfirði verður dagana 24. apríl – 3. maí. Þessa daga verða bæjarstarfsmenn á fullu við hreinsun víðsvegar um Hafnarfjörð og samhliða er skorað á íbúa að taka virkan þátt með því að huga að hreinsun innan sinna lóðarmarka og í sínu nánasta umhverfi. Garðúrgangur í Norðurbæ, Vesturbæ, Hraunum og miðbæ verður sóttur heim mánudaginn 24. apríl, í Setbergi, Kinnum og Hvömmum miðvikudaginn 26. apríl og í Áslandi, á Völlum og Holti miðvikudaginn 3. maí. Íbúar á þessum svæðum eru hvattir til að vera búnir að setja garðúrgang út fyrir lóðarmörk fyrir þessa settu hreinsunardaga í hverju hverfi fyrir sig. Athugið að allur garðúrgangur þarf að vera í pokum og höfum hugfast að hæfilega þungir pokar auðvelda starfsmönnum hreinsunarstörfin. Bæjarbúar eru hvattir til að nýta sér þessa þjónustu bæjarins. Eftir þessar dagsetningar þurfa eigendur og lóðarhafar sjálfir að fara með garðúrgang til Sorpu. Tilvalið er einnig að safna garðúrgangi yfir sumartímann saman í safnhaug á góðum stað í garðinum og nýta til moltugerðar. __________________________________________ Áskorun til íbúa og fyrirtækja - gámar á þremur stöðum í Hafnarfirði __________________________________________ Fimmtudaginn 27. apríl eru starfsmenn fyrirtækja og stofnana ásamt nemendum og kennurum allra skólastiga í Hafnarfirði hvattir til að rýna í sitt nærumhverfi og taka sérstaklega til hendinni við hreinsun. Gámum verður komið fyrir á þremur stöðum í Hafnarfirði og eru gámar einkum hugsaðir fyrir losun á timbri og járni frá fyrirtækjum á hverju svæði fyrir sig. Gámar verða á svæðinu í tvo heila daga – fimmtudaginn 27. apríl og föstudaginn 28. apríl. Tökum öll virkan þátt - hreinn bær okkur kær! :) Hreinn Hafnarfjörður!

Úlfur Úlfur – Hefnið okkar – Frumsýning

Kex Hostel

17917955 1285477028188769 424185153561782342 o

Úlfur Úlfur hefur legið undir feldi síðastliðið árið en næstkomandi mánudag mun hljómsveitin minna á sig. Verið velkomin í partý í Gym og Tonic sal Kex Hostels þar sem nýtt tónlistarmyndband verður frumsýnt og nokkur leyndarmál opinberuð. Ég vildi að ég gæti sagt meira en ég hef nú þegar sagt of mikið.

Þúsund ára þögn / Sómi þjóðar (4. sýning)

Mengi

17389149 1252012848245017 112845949232299591 o

Þúsund ára þögn. Nýtt verk eftir leikhópinn Sóma þjóðar 4. sýning: Mánudaginn 24. apríl klukkan 21 Miðaverð: 2900 krónur. „Nú beinir hópurinn sjónum sínum að þögninni og sannar í eitt skipti fyrir öll að Sómi þjóðar er listrænt afl í íslensku menningarlífi sem vert er að fylgjast vel með.“ **** Fréttablaðið / 18.03.2017 „Upphafssenan var einstaklega skemmtilega útfærð hjá Hilmi, Kolbeini og Tryggva, sem leika sýninguna. Með skýrum fókus og nákvæmri hlustun tókst þeim að skapa ótrúlegt samtal sín á milli án þess í reynd að mæla orð af vörum.“ Morgunblaðið / 18.03.2017 Í verkinu Þúsund ára þögn takast Hilmir Jensson, Karl Ágúst Þorbergsson, Kolbeinn Arnbjörnsson og Tryggvi Gunnarsson á við birtingarmyndir og áhrif hinnar íslensku þagnar á sálarlíf þjóðarinnar. Í vinnuferlinu hafa þeir lagt áherslu á að kanna þögnina út frá tilfinningalegri þöggun og bælingu og einnig skoðað hvaðan hugmyndin um þögn sem dyggð kemur. Hvað veldur því að við flýjum inn í þögnina í stað þess að takast á við erfiðar tilfinningar og vandamál? Af hverju virðumst halda að við getum þagað af okkur heilu lífin? Getur verið að við erfum þögn og bældar tilfinningar forfeðra okkar án þess að neitt með það að gera? Í samfélagi dagins í dag, þar sem allt á að vera upp á borðum og allir eiga að geta talað um allt alltaf, er sömuleiðis áhugavert að kanna hvort lausn vandamála okkar felist í stanslausum játningum. Getur þögnin verið af hinu góða? Þurfum við að komast handan hennar og berjast í gegnum byl og skafla inn á heiðarlönd sjálfs okkar? Verkið Þúsund ára þögn er styrkt af Rannsóknarmiðstöð Íslands. „Þetta er bara eins og að horfa inn í garðslöngu og sjá spírallinn og...og þá verður allt einhvern veginn...maður er bara...þetta er eins og í fjallgöngu og þar er lyng og mosi og stein og...og steinninn, hann lifir manninn.. Fyrri sýningar Sóma þjóðar: - Gálma eftir Tryggva Gunnarsson (2011). Tilnefnt til Grímuverðlauna þetta sama ár. - PUNCH - ásamt Stick and Stones (2012). - Ég er vindurinn eftir Jon Fosse (2012). - MP5 eftir Tryggva Gunnarsson og Hilmi Jensson (2014). - Björninn eftir William Walton á Cycles Music Festival (2015). - FótboltaÓperan á Óperudögum í Kópavogi (2016) Ljósmynd: Steve Lorenz ∞∞∞∞∞∞∞∞∞∞∞∞∞∞∞∞ ◊◊◊◊◊◊◊◊◊◊◊◊◊◊◊◊◊◊◊◊ Thousand Years of Silence A new piece by the theatre group Sómi þjóðar (Hilmir Jensson, Karl Ágúst Þorbergsson, Kolbeinn Arnbjörnsson, Tryggvi Gunnarsson) on the effects of the Icelandic silence. Why is silence concidered a virtue? Can silence be a good thing? What causes us to escape into silence instead of dealing with difficult feelings and problems? Monday, April 24th at 9pm. Tickets: 2900 ISK Photo credit: Steve Lorenz