Viðburðir um allt land

Skrá viðburð

Grunnnám - hvað svo?

17389149 10154163695815728 4134066508683875005 o

Hvað er í boði í Háskóla Íslands að loknu grunnnámi? Getur nemandi með BA-gráðu í mannfræði farið í talmeinafræði? Getur nemandi með BS-gráðu í hjúkrunarfræði farið í framhaldsnám í guðfræði? Getur nemandi með BS-gráðu í tölvunarfræði farið í framhaldsnám í leikskólakennarafræði? Hverjar eru forkröfurnar fyrir hverja og eina námsleið í framhaldsnámi við Háskóla Íslands? Sérfræðingar deilda og fræðasviða Háskóla Íslands veita svör við þessum spurningum og ótal fleiri á Litla-Torgi Háskólatorgs þriðjudaginn 4. apríl milli kl. 16 og 17:30. Enn fremur verða náms- og starfsráðgjafar á staðnum og veita ráðgjöf og fulltrúar frá Nemendaskrá aðstoða við innritun og skrásetningu. Háskóli Íslands á í samstarfi við yfir 500 háskóla um allan heim og sérfræðingar frá Skrifstofu alþjóðasamskipta verða einnig viðstaddir og kynna hina fjölbreyttu möguleika í skiptinámi. Viðburðurinn er ætlaður öllum þeim sem hyggja á framhaldsnám í Háskóla Íslands. Komdu og kynntu þér ótal möguleika á framhaldsnámi. Umsóknarfrestur um framhaldsnám við Háskóla Íslands er til 15. apríl en sótt er um námið á heimasíðu skólans. http://www.hi.is/adalvefur/umsokn_um_nam